देवेंद्र फडणवीस यांनी राज्याचे नेतृत्व हाती घेतल्यानंतर मुख्यमंत्री फेलोशिप प्रोग्रॅमसारख्या अनेक आऊट ऑफ द बॉक्स आयडिया राबवल्या आहेत. शिक्षण पूर्ण करून ऐन विसाव्या वर्षात पदार्पण करणाऱ्या तरुणांना सरकारी धोरण आणि सरकारच्या निर्णय प्रक्रियेत सामावून घेण्याचा हा नाविन्यपूर्ण उपक्रम सुरू केला.

त्यांच्या कार्यकाळात राज्यातील पायाभूत सुविधांच्या प्रकल्पांना मोठ्या प्रमाणात गती मिळाली. मुंबई, पुणे, नागपूर मेट्रो प्रकल्प, नागपूर-मुंबई समृद्धी महामार्ग, कोस्टल रोड आणि मुंबई ट्रान्स-हार्बर लिंक (एमटीएचएल) सारखे महत्त्वाकांक्षी आणि शहराचा चेहरा बदलवणाऱ्या प्रकल्पांचे व्यवस्थापन करण्यासाठी, त्यातील अडथळे दूर करण्यासाठी वॉर रुमच्या माध्यमातून गती दिली.

पारदर्शक आणि शाश्वत कारभाराच्या माध्यमातून राज्यात येणाऱ्या गुंतवणुकीला आणि औद्योगिकीकरणाला चालना दिली. यामुळे २०१६ मध्ये महाराष्ट्राने देशातील एकूण परकीय गुंतवणुकीपैकी ५० टक्के गुंतवणूक महाराष्ट्रात आणण्याचा विक्रम केला.

देवेंद्र फडणवीस यांच्याकडे गुंतवणूकदार आणि कॉर्पोरेट क्षेत्र एक आश्वासक नेता म्हणन पाहत आहेत. यातूनच देवेंद्र फडणवीस यांनी या क्षेत्राकडून सामाजिक हितासाठी भक्कम पाठिंबा मिळवला आहे. व्हिलेज सोशल ट्रान्सफॉर्मेशन मिशन, स्मार्ट (शाश्वत शेती व्यवसाय आणि ग्रामीण परिवर्तन) आणि सहभाग (सोशल रिस्पॉन्सीब्लिटी सेल) या उपक्रमांचे उद्योजकांनी स्वागत करून त्याला पाठिंबा दर्शवला आहे.

शाश्वत विकसाशी संबंधित घटकांमधील त्यांचे सखोल ज्ञान आणि त्याविषयी असलेला दृष्टिकोन पाहता त्यांना शाश्वत शेती, वातावरणीय बदल आणि ऊर्जा सुरक्षा या विषयावर मार्गदर्शन करण्यासाठी राष्ट्रीय आणि आंतरराष्ट्रीय पातळीवरील सस्थांनी आमंत्रित केले. यामध्ये आवर्जून उल्लेख करण्यासारखा म्हणजे, नीती आयोगाने ‘शेतीमधील परिवर्तन’ यावर आयोजित केलेल्या देशातील सर्व मुख्यमंत्र्यांच्या उच्चस्तरीय परिषदेचे अध्यक्षपद त्यांना देण्यात आले होते.

देवेंद्र फडणवीस यांची कुशाग्रबुद्धी आणि राजकीय कसब याची वेळोवेळी राष्ट्रीय आणि आंतरराष्ट्रीय पातळीवर नोंद घेतली गेली. त्यांना अनेक प्रकारचे सन्मान आणि पुरस्कार मिळाले आहेत. त्यांची जागतिक पार्लमेंटरिअन फोरमच्या आशिया विभागाच्या सचिवपदी निवड झाली होती. महाराष्ट्रातील वेगवेगळ्या भागांमध्ये सामाजिक-आर्थिक विकासात सुधारणा केल्याबद्दल, जपानमधील ओसाका सिटी विद्यापीठाने देवेंद्र फडणवीस यांना मानद डॉक्टरेट पदवी बहाल केली. ही पदवी मिळवणारे ते भारतातील एकमेव व्यक्ती आहेत. सिंगापूरमधील प्रतिष्ठित ली कुआन यिव एक्सचेंज फेलो कार्यक्रमात त्यांना आमंत्रित करण्यात आले होते. त्याचबरोबर अमेरिकेतील जॉर्जटाऊन विद्यापीठाने देवेंद्र फडणवीस यांचा विकासकामांसाठी भरीव योगदान दिल्याबद्दल डेव्हलपमेंट पुरस्काराने गौरव करण्यात आला.

आपल्या सामाजिक आणि राजकीय जीवनात व्यस्त असतानाही देवेंद्र फडणवीस हे आपली आई श्रीमती सरिता फडणवीस, बँकिंग आणि समाजसेवा क्षेत्रात कार्यरत असलेली सहचारिणी अमृता फडणवीस आणि दिविजाचे वडील म्हणून त्यांच्याप्रति असलेली आपली कर्तव्ये तितक्याच तन्मयतेने बजावत आहेत. एक स्वतंत्र व्यक्ती म्हणून देवेंद्र फडणवीस यांना लेखन आणि वाचनाची आवड आहे. त्यांनी काही गाणी सुद्धा लिहिली आहेत. त्याचबरोबर त्यांना चित्रपट, वेब-सिरीज पाहणे, क्रिकेट खेळणे, संगीत ऐकायला आवडते.

श्री देवेंद्र फडणवीस यांच्याबद्दल अधिक जाणून घ्या
Download PDF